من كتر الانبهار من العرض خرجنا كلنا بهير و بهيرة. خرجت و مش لاقي اجابة لسؤالي هو أنا بحضر عرض مسرحي لمدرسة ولا عرض هوليودي من اخراج سبلبرج.
كمية مفاجأت انبهارية انبساطية في العرض المسرحي The Legacy of a Champion الي اقيم في Living Arts بمدينة مسيساجا سادس اكبر المدن السكانية في كندا ومن أكبر المدن الاقتصادية ايضا.
هذا العرض المبهر كان بمناسبة ذكرى تأسيس مدرسة فيلوباتير كولدچ الخامسة و العشرين.
من كتر الانبهار من العرض خرجنا كلنا بهير و بهيرة. خرجت و مش لاقي اجابة لسؤالي هو أنا بحضر عرض مسرحي لمدرسة ولا عرض هوليودي من اخراج سبلبرج.
كمية مفاجأت انبهارية انبساطية في العرض المسرحي The Legacy of a Champion الي اقيم في Living Arts بمدينة مسيساجا سادس اكبر المدن السكانية في كندا ومن أكبر المدن الاقتصادية ايضا.
هذا العرض المبهر كان بمناسبة ذكرى تأسيس مدرسة فيلوباتير كولدچ الخامسة و العشرين.
مدرسة فيلوباتير كولدج هي مدرسة خاصة مسيحية لكل المراحل الدراسة و تابعة للكانديان كوبتك سنتر. باختصار فيلوباتير كولدج هي اكبر من انها تكون مدرسة ناجحة بل كيان ضخم و لها ثقل اجتماعي و سياسي يتخطي حدود مسيساجا بل و كندا كلها. تأسست المدرسة سنة ١٩٩٩ علي يد القمص انجيلوس سعد، راعي كنيسة السيدة العذراء والبابا أثناسيوس و ادارة الاستاذة فيبي وصفي الماهرة جدا و التي تولت إدارتها في عام ٢٠١٤ حيث كانت النقلة النوعية لهذه المدرسة الي اقدر اقول بمنتهي البساطة انها غيرت مفاهيم كثيرة في ادارة المدارس الخاصة.
برافو فيبي و برافو كانديان كوبتك سنتر.
ببساطة تقدر تقول ان مدرسة فيلوباتير انعكاس لقوة ونفوذ الجالية القبطية و تماسك المصريين في كندا. و لو عاوز برهان علي كلامي اتفرج علي صور الجالا دينر تاني يوم العرض و انت تعرف كم النجاح الذي وصل له المدرسة و الكانديان كوبتك سنتر.
نرجع العرض المبهر المدهش ادهاشا سواء في الاخراج او الدراما او الديكور الجامد جدا ولا الملابس و المؤثرات الصوتية و البصرية و الاستعراضات الهوليودية بس كله كوم و و الشباب و الاطفال الي اشتركوا كوم تاني خالص ايه الحلاوة واللذاذة دي. أما البطل حبيبي مايكل يوسف ، نقدر نقول مشروع وحش تمثيل او مينا مسعود او رامي مالك علي صغير و مايكل له قصة كبيرة معايا و هو عنده ٦ سنين هقوله بعدين. لكن نجم الحفلة و مبدع العمل و مهندس الابداع و مايسترو الإبهار حبيبي و صديقي المخرج القدير مينا سليمان و من هنا هبتدي وصف كل عنصر في هذا الاحتفال الضخم و أنا هنا بكلم كفنان بيخرج مسرحيات و كممثل يعني بكلم علي نواحي فنية بحتة علي مستوى احترافي (و ليس أكاديمي) مش مستوي مسرح مدرسة انسوا الكلام ده، بنتكلم علي مستوى هوليوود و طالع و بدون مبالغة
• الديكور: قمة في الاحتراف والابداع مع ذكاء و بساطة التنفيذ أدى إلى إبهار في كل تفصيله. نقل الديكور وتغيره و تنفيذ مشاهد صعبة ديكوريا مثل فلك نوح و العرش و تغير المشاهد اقدر اقول شغل فوق الخيال برافو عبير و الفرق اللي اشتغلت معاها
• الملابس: لا تقل كفاءة عن افلام هوليود، اعرفها جودتها من لبس الرومان و الاستعراضات اللي معمولة بفخامة و حرفية عالية أنا مش عارف أجروه و لا صمموه ومين اللي كان مشرف علي الملابس بس اكيد فنان محترف من بلاتوهات والت ديزني. فرق الاستعراض اللي كل شوية يغيروا الملابس علي حسب الدراما و لا لبس الاطفال عثل يا خلاثى يا ناس ( ايون بالثاء لأنهم يتاكلوا اكل . مهما اقولكم علي تفاصيل الاحترافية فيها مش هخلص هقول مثلا الجنود الرومان لبسهم يطابق الحقيقة و مفهومة ولا لاصق كوتشي مرئي كل أحزمة زي زمان و ده مكلف جدا. ده غير الخوذة والدرع حاجة فخيمة جدا.
• الاستعراضات: في نفس مستوي او يفوق استعراضات والت ديزني، عروض سيت أند ساوند المسيحية في بينسلفانيا او يسوع السوبر ستار في مسارح تورنتو، تحريك مجموعات و عارضين و دمجهم بصورة رشيقة جدا في الدراما. في خمس بنات كانوا في منتهى الحرفية تحس انهم ملايكة جاين من بحيرة البجع. ايه التمكن ده تصميمات العروض التمثيلية الاستعراضية شيء في منتهى الصعوبة لتداخل عدة عناصر غاية في التعقيد و الخصوصيةً تحريك مجموعات الأطفال بهذا الشكل اعقل شيء يدعو للاندهاش
• الدراما مع السيناريو: يمكن لصناع المحتوى الدرامي تغير بعض الحقائق من القصة الأصلية او حذف او اضافة عناصر درامية و اختلاق قصص دون المساس بجوهر القصة. و ده الي حصل باقتدار وحرفية تضاهي عظمة السيناريست و المؤلفين العالميين. كمية العناصر المطلوبة وكم الابداع يفوق الخيال في فكر و التنفيذ. رسم الشخصيات مع الديكور والإضاءة الفوق الرائعة
• المؤثرات الصوتية والبصرية : الخلاصة سبلبرج خسر كتير انه متفرجش علي العظمة الي حصلت في العرض ده. كان هيتعلم كتير . الإضاءة بالإمكانات العالية الي تنوعت كلاسيكية استخدام الأحمر للشر و الأزرق للخير الي الصدمة الحضارية الفنية التكنولوجيا اللوبية الي اخدتها في المشهد الاخير الي ظهر فيه الهولوجرام بإتقان وحرفية معلمين هوليود سنة ٢٠٧٩ م. مفيش كلام علي كمية الابداع و أنا عمل ابرئ و اقلب في دماغي علشان استوعب الابداع الي حصل قدامي. أصل أنا قاعد قدام في الصدمة كانت مضروبة في ١٠٠ .
• الممثلين مش ممكن الابداع ده من طلاب مدرسة! ايه الحلاوة دي؟ دور نوح و سفينة و بنتهم و القائد الشرير ر الأميرة الشريرة و و الامبراطور الكبير ، ام النجم الحفلة الأسد الصغير الشبل ، عثل يا ناث ( ايون بالثاء )
• الغناء و الاداء الصوتي رائع بس محتاج تدريب أكثر
• الحصان.: بسطنا جدا بطلوعه علي المسرح و هو بسط نفسه وهو خارج من المسرح ( متبسطهاش اكتر من كده ، بصوت النابلسي؛)
• البطل: مايكل يوسف، حبيبي، وحش تمثيل، مشاعر طالعه من أعماقه بصدق وليس فقط ملامح وجهه ، وسامة مع لايقة جسمانية مع حضور و كاريزما و استعراض و غناء لايف لا يا بني انت مكانك مكان توم كروز. تتش وود. كان عندي حق لما صممت عليك تمثل دور القديس ابانوب وانت عندك ٦ سنين و مامته و باباه قلولي مش ممكن، هيتعبك ، و أنا اقولهم هو ده يعني هو ده. برافو يا مايكل. بس حاسب علي نفسك و ربنا يحافظ عليك
• البابا تواضروس: تفاجأت بكلماتك الرائعة عن مدرسة فيلوباتير شكرا لقداستك و أذكر أقباط المهجر في صلواتك
• دوج فورد : شكرا لكلماتك و الي حسيتنا انك قريب من الجالية القبطية بس كمل جميلك و ظبط موضوع التعليم الجنسي في المناهج زي ما وعدت من زمان ، زمان قوي.
• القنصل العام : محمد بك فخري و السيدة حرمه شرفتونا و نورتنا و كالعادة كلماتك مفرحة و ملهمة لكل الحاضرين و شكرا علي تعبك للجالية المصرية.
• فيبي واصفي: برافو جدا نقلتي المدرسة و مسرح المدرسة الي حتة تانية خالص وظيفتي الامكانيات الغير عادية أحسن توظيف.
• فيبي واصفي الممثلة: استاذة ورئيسة قسم وناظرة بحق و حقيقي ؛)
• الفنان هاني رمزي ؛ ايه الجمال والحلاوه دي يا نجم ايه التواضع و حلاوة الروح دي شرفتنا، و شكرا انك فاكرنى لسه ( قديسين مع بعض بقي
• الانبا مينا: شكرا سيدنا حضورك و بركتك و ربنا يقويك علي رعاية الجالية القبطية الي وصلوا الدراما فيها إلى العالمية.
• ابونا انجيلوس: ابانا القمص عندك حكمة و حنكة تدور بهم كندا و أمريكا و كام قارة جنبهم كمان شكرا علي تعبك وربنا يديك الصحة.
• الفنان العبقري و المخرج العالمي و صديقي الجميل و الانسان المبدع و الروح المتواضع ، لو قاعدين الصبح مش هخاف مدح فيك يا مينا سليمان؛ ايه يا استاذ العبقرية دي ؟!! ازاي قدرت تجمع هذه الخيوط الدرامية المعقدة دي في عمل واحد؟ كيف وفقت في اختيار فريق العمل بهذه العملية و الحرفية الشديدة؟ كيف مزجت الدراما بالاستعراض بالمؤثرات التكنولوجيا بالغناء لايف بالمؤثرات الصوتية و الضوئية؟ كيف أتتك فكرة الهلوجرام و كيف جرؤت علي تنفيذها؟ كيف مزجت الراوي في تصوير خارجي في دراما مختلفة السياق مع قصة العرض؟ . كيف مزجت بعبقرية شديدة التعامل مع الفنان النجم هاني رمزي بشكل درامي ممتاز و متسق جدا؟ كيف أقنعتنا انهم ليسوا مجرد طلاب مدرسة هواة ومعظمهم أطفال؟ كيف مزجت عبقرية الموسيقى بالغناء مع التمثيل مع الاستعراض؟ مينا سليمان … من انتم ( بصوت القذافي)؟ و بعد كل هذا كيف لم تقنع الحصان انه يمسك نفسه نص متر لقدام :)) ؟ قولا واحدا ، إن لم يوفر لك رجال الأعمال الأقباط ميزانية ضخمة لإنتاج عمل ينافس في هوليود يبقي هما مذنبين و احنا كمان كجالية مذنبين و لازم نتحاسب. برافو المخرج العبقري عزيزي مينا، القلب الشجاع ؛)
• الجانب الروحي: صفر، سامحوني لم اجد في هذا العرض المبهر اي ربط روحي بين القديس و ربنا يسوع المسيح. الاطفال مش هتفرق من بطل العرض و باتمان و لا كابتن امريكا. بطل العرض روماني راي ظهور معجزي فامن، اين العلاقة الشخصية مع رب المجد؟ اين اختبارات الايمان؟ و بالاخص دي مدرسة مسيحية تربط أولادها بالسيد المسيح. لا تقولي السياق الدرامي لا يسمح لانكه يمكن التحكم فيه مثلا بدل الصراع علي الشبل الصغير بين البطل والأمير يمكن ان يموت صراعا إيمانيا فكريا بالرب يسوع في نفس الشكل الدرامي . المرة جاية خلو بالكم من هذا الجانب الهام جدا.
• الإنتاج: ايه الجبروت ده ميزانية في تقديري ضخمة جدا و في اعتقادي ان كل راعي من الاربعين دفع من من ٨- ١٠ الاف دولار لتغطية الميزانية التقديرية لهذا الاحتفال العظيم. مجهود جبار و لماذا لم يكن كتيب للرعاة و اعتقد في الحفلات القادمة يحتاج الرعاة تسليط أكثر للأضواء
• مدرسة فيلوباتير عقبال ١٠٠ سنة و مبروك الخبر السعيد التأسيس فرع في اتاوا و فرع آخر في بلادنا الحبيبة مصر. الي منتهي الاعوام.
ملحوظات شخصية : أنا صورت فيلم ابو سيفين سنة ١٩٩٩ نفس سنة تأسيس المدرسة يظهر القديس شهيد الرب كان مرتب كل حاجة و ابتداها من سنتها.
ملحوظة تانية العرض ضم القديس مارمينا و القديس أبسخيرون القلينى و كمان القديس ابوسيفين (الي كده و كده) و محدش قال ولا نوه مع ان ده تاريخ الأقباط الدرامي. حد فاهم حاجة
ملحوظة تالتة مش قادر تكتب علي الجالا دينر بعد العرض بيوم لاني رغيت علي حضراتكم جدا بس حفل رفيع المستوى يعكس حجم و ثقل الجالية القبطية و طبعا الجالية المصرية.
كل سنة و فيلوباتير كولدچ في نجاح ونمو و ابداع.
المزيد
1