هتفضل رسايل ربنا ليك ماينفعش تروح لحد غيرك ، زي ال ” أي دي ” مكتوب فيه إسمك بالكامل وبيوصلك عشان ليك وماينفعش يروح لغيرك .. مكان بصمة وماينفعش غيرك تبصم فيه !
ناس كتير حياتهم إتغيرت برسالة منه … رسالة طمنتهم , إدتهم تعزية , أمل , إشارة لحاجة ، يمكن الرسايل دي مابتتبعتش كل يوم .. بس في رسالة منه متجددة كل يوم ، بيختلف شكلها وطريقتها يومياً ، لكن هيفضل مضمونها واحد ، وهي إنه بيحبنا جداً وقابلنا بكل ظروفنا وحالاتنا ومهتم بأصغر تفاصيلنا .. مضمون الرسالة واحد وهي الحب الأبدي ! .. الحب الفريد م نوعه .. الحب للي محدش بيذكرهم ، وحتي اللي الناس حواليهم وفاكرينهم ، الحب للي يستاهل وحتي اللي مايستاهلش ، الحب للي ماشي معاه وحتي للي ناسيه .. بالأصح الحب لكل إنسان موجود ع الأرض .. وبما إنه بكره عيد الشكر فمحتاجين نشكر كل يوم علي حبه المُتجدد الغير محدود♥